7/20 АВГУСТА.
ХВАЛЕБНАЯ ПЕСНЬ БОЖИЕЙ МАТЕРИ.
Тебя,
Дево, хвалим. Тебя, Пречистая исповедуем, Тебя по всей вселенной славит Святая
Церковь. Тебя, Дщерь Отца Небеснаго, величаем.Тебя, матерь Сына Божия,
ублажаем. Тебя, Невесто Святаго Духа,
превозносим. Ты от всех родов Богом избранная, Ты едина безсеменно от Духа
Свята во чреве заченшая и паче естества Искупителя миру рождшая. Ты едина в женах благословенная: рождество и
девством неизреченно сочетавшая и приснодевством едина запечатленная. Ты в успении дивно возвеличенная. из гроба
яко Матерь Живота, воставшая и на небеса с пречистою плотию вознесенная. Ты
одесную Сына Бога предстоиши и о всем мире молишися. Тебя славословит
Ангельский собор, Тебя ублажает человеческий род. Ты Царица неба и земли, Ты жилище Святаго
Духа, небо и храм Божества, Ты палата и престол Царев, Ты царей державная
хранительница, Ты девственных слава и похвала,
Ты пастырем веселие и радование, Ты монашествующим усердная
путеводительница. Ты христианом милостивая
помощница. Ты Мати скорбящих и
озлобленных. Ты о всех грешных и
заблудших промышляеши. Тебя убо просим,
помози рабам Твоим, ихже Сын Твой честною кровию искупил есть. Сподоби нас, Мати Всепетая, в вечной славе с
Тобою царствовати, Тебя нашу Заступницу
и Покровительницу, со Ангелы и всеми святыми вечно хвалити и славити. Буди милость Твоя, Владычице, на нас, якоже
уповахом на Тя, на Тя, о Всепетая, уповахом, да не постыдимся во веки. Аминь.